domingo, 20 de noviembre de 2022
jueves, 3 de noviembre de 2022
miércoles, 19 de octubre de 2022
GANADOR DO CONCURSO DE MASCOTA PARA O PDI "AS PARA CREAR"
lunes, 17 de octubre de 2022
CONCURSO MASCOTA PROXECTO "ÁS PARA CREAR"
Elixe un debuxo da presentación para que sexa a mascota do noso proxecto deste curso:
"ÁS PARA CREAR"
jueves, 9 de junio de 2022
ENQUISA VALORACIÓN DA BIBLIOTECA
Boas chic@s!!!
Chega o final deste curso e dende a biblioteca queremos saber a vosa opinión sobre o seu funcionamento.
A continuación tedes unha breve enquisa:
ENQUISA VALORACIÓN DA BIBLIOTECA
Moitas grazas.
jueves, 2 de junio de 2022
As cámaras do alumnado no colexio
jueves, 26 de mayo de 2022
Os Maios
Mañá, o alumnado de 1º e 2º participará nos Maios que se propoñen dende o Concello e cantará coplas dos nosos maios coma estas...
domingo, 8 de mayo de 2022
EXPOSICIÓN MICRORREDE DA MARIÑA 2022: "As verbas traen lembranzas"
Un ano máis a nosa biblioteca participa na exposición anual da Microrrede da Mariña, que este ano leva por título:
“A VOLTA COAS PALABRAS”
Pincha na imaxe para ver o programa
O noso centro participa nesta exposición cun cadro titulado:
“AS VERBAS TRAEN LEMBRANZAS”
Este cadro é un resumo da exposición que fixemos no colexio, coas cámaras que decorastes, e que recollen os códigos QR cos vídeos que gravastes aos vosos maiores, onde nos contan que palabras lles traen recordos da súa nenez e porque.
martes, 26 de abril de 2022
Toupiciencia
A pasada semana, o alumnado de segundo tivo a sorte de poder asistir no cole a "Toupiciencia", unha actividade na que unha pequena toupa e o seu axudante lle axudaba cos experimentos.
A actividade pretende promover a investigación e experimentación na infancia.
lunes, 25 de abril de 2022
As plantas, por 3ºB
O alumnado de 3ºB explicou aos cursos inferiores moitas das cousas que sabían sobre o reino das plantas. Velaquí o vídeo!
jueves, 31 de marzo de 2022
Os animais
Seguimos a traballar co profesorado e alumnado de diferentes niveis dende o noso apartado de Biblioteca Creativa. Desta volta tocoulle ao alumnado de 3ºB, que fixo unha fenomenal exposición do tema que están a estudar na materia de Ciencias Naturais: Os animais.
domingo, 27 de marzo de 2022
Día da Poesía II
Novo vídeo no Día da Poesía por parte do alumnado de 1ºA co poema: Implacable y sigilosa, que nos fala dos perigos do plástico no mar...
martes, 22 de marzo de 2022
Día da Poesía
O alumnado de primeiro A celebra o Día da Poesía (21 de marzo) recitando un poema do libro "Animalario": O camelo.
Na sección de Biblioteca Creativa usamos o fondo de pantalla Chroma para facer a montaxe.
Parabéns ao alumnado!
viernes, 18 de marzo de 2022
Vídeo sobre a CDU en sexto. Pantalla Chroma.
O alumnado de sexto estivo a traballar esta semana co Chroma. As tres clases prepararon unha pequena explicación sobre os sistema internacional de catalogación de fondos CDU (Clasificación Decimal Universal) e puxeron de fondo oas cores e números correspondentes ao propio sistema de catalogación. Será o primeiro de varios proxectos que temos ideados con esta mesma técnica. Parabéns a todo o alumnado de sexto, excelente traballo!
lunes, 21 de febrero de 2022
CARTEL DE ROSALÍA
ROSALÍA DE CASTRO
Este é o cartaz cunha pequena escolma de poemas da autora, que elaboramos dende o Equipo de Biblioteca e o Equipo de Dinamización da Lingua Galega do noso colexio, para conmemorar o DÍA DE ROSALÍA o próximo 23 de febreiro.
sábado, 19 de febrero de 2022
PARA NÓS, FEBREIRO SEMPRE SERÁ O MES DE ROSALÍA...
O secretario xeral de Política Lingüística, Valentín García, participou este mediodía na xuntanza que a Fundación Rosalía de Castro convocou para mudar a data de celebración do día da poetisa galega ao 23 de febreiro. Este cambio prodúcese despois de que a investigadora galega Sagrario Abelleira revelase o pasado ano nova documentación que acredita a data de nacemento real nese día, dando a coñecer ademais datos inéditos sobre a vida da nosa autora máis recoñecida e da do seu home, Manuel Murguía.
Toda esta información quedou recollida na publicación Rosalía e Murguía: datos, datas e documentos (1851-1858), publicado co apoio da Consellería de Cultura, Educación e Universidade.
Traslado de celebracións
Con motivo da proximidade do aniversario da poeta galega, o Goberno galego e as entidades culturais e educativas, acordaron adiantar a efeméride, que ata o de agora se celebraba o 24 de febreiro, data do bautismo da autora de Follas Novas.
O secretario xeral de Política Lingüística deu conta do acordo para “celebrar á nosa poeta máis universal o 23 de febreiro, pois unha vez coñecida que esta é a auténtica data do seu nacemento, é un día que os galegos non podemos pasar por alto”, derivado da xuntanza entre representantes de entidades culturais e de distintas administracións que tivo lugar na Casa da Matanza, en Padrón.
Na reunión convocada pola Fundación Rosalía de Castro, ademais de Valentín García en representación do Goberno galego, tamén participaron representantes da Asociación de Escritoras e Escritores en Lingua Galega (AELG), da Asociación Socio-Pedagóxica Galega (AS-PG), da Asociación de Gaiteiros, da Deputación da Coruña e dos concellos de Padrón e de Santiago de Compostela.
Así pois, xunto co secretario xeral de Política Lingüística estiveron o presidente da Fundación Rosalía de Castro, Anxo Angueira; o presidente da Asociación de Escritoras e Escritores en Lingua Galega, Cesáreo Sánchez; o presidente de Nova Escola Galega, Xosé Lastra; o representante da Asociación de Gaiteir@s Galeg@s, Olimpio Xiráldez; así como as responsables das áreas de Cultura e Acción Cultura dos Concellos de Padrón e Santiago de Compostela e Sagrario Abelleira, autora da investigación.
jueves, 17 de febrero de 2022
ENTROIDO 2022