Olga viaja al espacio exterior (o no)

Este mes no club de lectura...

Continuamos lendo sobre as aventuras de Olga, a cal quere, esta vez, viaxar ao espacio exterior, de onde está convencida que procede a súa mascota Meh. 

Para iso comeza a prepararse para ser astronauta pero nos últimos días Meh compórtase dunha maneira extraña, que lle ocorrerá?

   

A actividade que realizamos consistiu en elaborar a nosa propia mascota imaxinaria con diversos materiais, dándolle un nome científico e posteriormente cubrindo a súa ficha no noso caderno científico e facendo as observacións necesarias desta nova especie. 

Por último, presentamos o libro que imos ler durante o mes de febreiro:

Demetrio Demoscopio perdeu a chispa

Autor: Berta Dávila

Ilustradora: Xiana Teimoy

Editorial: Xerais

Ano de publicación: 2022

ISBN: 9788411100618

Temas: amizade e coidado polos demáis, aventura e exploración fantástica, reflexión sobre a vellez e a vitalidade.

A señorita Bubble: Baixo cero

Este mes no club de lectura...

Continuamos lendo sobre as aventuras da señorita Bubble, a cal ocorre esta vez en Rovaniemi, unha preciosa vila de Laponia. 

Os problemas non tardan en petarlle na porta. Unha familia de pingüíns precisa da súa axuda con urxencia. Non son os únicos: os elfos da fábrica de xoguetes están vivindo unha situación desesperada: Papá Noel pasou ao lado escuro.

A actividade que realizamos tratábase dun Genially (actividade interactiva), que empregamos para analizar aspectos do libro: primeiro fixemos unha contextualización falando sobre o libro anterior (límolo no club o curso pasado), coñecimos un pouco máis sobre a autora e o ilustrador a través dalgunhas entrevistas, escoitamos algunhas recensións doutros alumnos/as e, finalmente, fumos analizando capítulo a capítulo o libro respondendo preguntas sobre os feitos que acontecen en cada un.

Finalmente, ao igual que fixeron os elfos no libro cando se puxeron en folga, redactamos un documento para reclamar os nosos dereitos.

Por último, presentamos o libro que imos ler durante o mes de xaneiro:

Olga viaja al espacio exterior (o no)

Autor: Elise Gravel

Ilustrador: Elise Gravel

Editorial: Blackie Books

Ano de publicación: 2019

ISBN: 9788418733963

Temas: amizade, aventura, exploración, ciencia, diferencia, crítica social.

Julia y los Mortimort - Una niña poco muerta

Este mes no club de lectura...

Coñecimos aos Mortimort, a familia de Julia! Todas as familias son diferentes, pero a sua familia é demasiado especial... son vampiros, zombis, nenos lobo e fantasmas!

Ata fai pouco, ela pensaba que era a única humana normal da familia pero un día no cole aconteceu algo que o cambiou todo: fixo voar unha caca telepáticamente e estampouna contra a cara da sua archienemiga!

Sí, ter poderes soa xenial, pero hai un gran problema... agora as bruxas búscana para quedarse coa sua maxia!

Nesta familia o pai é un zombi, a nai unha vampira, a avoa un ogro, a irmá tamén zombi e o irmán un neno lobo, pero... Julia é realmente humana?

Este libro móstranos o diferentes que poden chegar a ser as familias, non só no libro senón na vida real.

A actividade que realizamos consistiu nun Kahoot (actividade interactiva), que empregamos para facer un concurso para comprobar quen recordaba máis sobre o contido desta historia. O test constaba de 15 preguntas con 4 alternativas de resposta e un minuto de tempo para respostar cada pregunta a cal tiñamos que colorear na nosa folla de respostas. Primeiro respondimos todas as preguntas e finalmente corriximos os resultados para puntuarnos a nós mesmos.

A nosa biblioteca aínda segue en construción, polo que queremos agradecer aos nenos/as o adaptables que están sendo á hora de organizarse nos espazos desta e na sua boa actitude e disposición para axudar nela.

Por último, presentamos o libro que imos ler durante o mes de decembro:

A señorita Bubble: Baixo cero

Autor: Ledicia Costas

Ilustrador: Andrés Meixide

Editorial: Xerais

Ano de publicación: 2020

ISBN: 9788491217633

Temas: crítica social, coidado do medio ambiente, abusos laborais, dereitos dos traballadores

Escarlatina a cociñeira defunta

Este mes no club de lectura traballamos cunha convidada moi especial... Escarlatina, a cociñeira defunta! Con ela aprendimos un montón de receitas de cociña monstruosas e soupemos un pouquiño máis sobre a súa historia.

A primeira actividade que realizamos consistiu en analizar as ilustracións do libro para facer un recordatorio do conto: de que pasaxe da historia se trataba, que ocorría nese momento, que personaxes estaban implicados, cal era o conflito que tiñan... 

A segunda actividade consistiu unha competición por equipos na que cada un dispoñía de 10 tarxetas con palabras que aparecen no libro das que descoñecemos o significado e unha folla de respostas. Tratábase de investigar, coa axuda dos ordenadores, o significado destas palabras pouco comúns e incluir novo repertorio ao noso vocabulario.

 

Por último, presentamos o libro que imos ler durante o mes de novembro con motivo do Samaín:

Julia y los Mortimort

Autor: Raquel Díaz Reguera

Ilustradora: Raquel Díaz Reguera

Editorial: Montena

Ano de publicación: 2023

ISBN: 9788419650115

Temas: importancia da aceptación familiar, aventuras, identidade, crecemento e amizade

Versos de buenas noches

Este mes no club fixemos unha lectura nocturna dos "Versos de buenas noches" de Benjamín Prado, Rayden, Patricia Benito, Zahara, Defreds, Loreto Sesma, Miguel Gane, Irene G Punto, Luna Miguel, Iago de la Campa e María Leach! Empregamos unha lanterna para ler poemas aos nosos compañeiros e fixemos diversas actividades de mindfullness, relaxación e respiración consciente. Aquí tedes a proba:

O próximo libro de 12 biografías de mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes:

Pioneiras

Autor: Anaír Rodríguez

Ilustracións: Nuria Díaz

Editorial: Xerais

Ano de publicación: 2018

ISBN: 9788491213109

Temas: igualdade.

A señorita Bubble

Este mes no club de lectura...

"A señorita Bubble" de Ledicia Costas! No cal profundizamos e fixemos posta en común a través aun Genially!

Xa que o pasado 21 de marzo celebramos o día da poesía, o libro recomendado para este mes será un recopilatorio de poemas dos mais destacados representantes da nova onda poética:

Versos de buenas noches

Autor: Benjamín Prado, Rayden, Patricia Benito, Zahara, Defreds, Loreto Sesma, Miguel Gane, Irene G Punto, Luna Miguel, Iago de la Campa e María Leach

Ilustracións: María Cabañas, María Hesse, Lady Desidia e Elena Pancorbo

Editorial: Destino

Ano de publicación: 2018

ISBN: 9788408196150

Temas: a paz, os soños, o descanso, a esperanza, o amor e a gratitude.

Max Burbuja: dejadme en paz

Antes de irnos a celebrar o Entroido tivemos unha nova sesión do club de lectura!

Xa que facía unha boa tarde, aproveitamos para estrear as novas mesas de madeira do patio e ler ao aire libre o libro recomendado deste mes, "Max Burbuja: dejadme en paz" de El Hematocrítico.

Aproveitamos para practicar a entoación e a interpretación do texto, e a verdade é que se nos deu xenial! 

  

Finalmente presentamos o libro que imos ler no mes de febreiro:

A señorita Bubble

Autor: Ledicia Costas

Ilustracións: Andrés Meixide

Editorial: Xerais

Ano de publicación: 2017

ISBN: 9788491217930 

Temas: empatia, tolerancia, xustiza, educación para a convivencia, respeto á diversidade.

ATA O MES QUE VÉN COMPAÑEIROS!