Versos de buenas noches

Este mes no club fixemos unha lectura nocturna dos "Versos de buenas noches" de Benjamín Prado, Rayden, Patricia Benito, Zahara, Defreds, Loreto Sesma, Miguel Gane, Irene G Punto, Luna Miguel, Iago de la Campa e María Leach! Empregamos unha lanterna para ler poemas aos nosos compañeiros e fixemos diversas actividades de mindfullness, relaxación e respiración consciente. Aquí tedes a proba:

O próximo libro de 12 biografías de mulleres que conseguiron vencer as barreiras impostas ao seu xénero e dar os primeiros pasos por vieiros transitados ata ese momento só por homes:

Pioneiras

Autor: Anaír Rodríguez

Ilustracións: Nuria Díaz

Editorial: Xerais

Ano de publicación: 2018

ISBN: 9788491213109

Temas: igualdade.

A señorita Bubble

Este mes no club de lectura...

"A señorita Bubble" de Ledicia Costas! No cal profundizamos e fixemos posta en común a través aun Genially!

Xa que o pasado 21 de marzo celebramos o día da poesía, o libro recomendado para este mes será un recopilatorio de poemas dos mais destacados representantes da nova onda poética:

Versos de buenas noches

Autor: Benjamín Prado, Rayden, Patricia Benito, Zahara, Defreds, Loreto Sesma, Miguel Gane, Irene G Punto, Luna Miguel, Iago de la Campa e María Leach

Ilustracións: María Cabañas, María Hesse, Lady Desidia e Elena Pancorbo

Editorial: Destino

Ano de publicación: 2018

ISBN: 9788408196150

Temas: a paz, os soños, o descanso, a esperanza, o amor e a gratitude.

Max Burbuja: dejadme en paz

Antes de irnos a celebrar o Entroido tivemos unha nova sesión do club de lectura!

Xa que facía unha boa tarde, aproveitamos para estrear as novas mesas de madeira do patio e ler ao aire libre o libro recomendado deste mes, "Max Burbuja: dejadme en paz" de El Hematocrítico.

Aproveitamos para practicar a entoación e a interpretación do texto, e a verdade é que se nos deu xenial! 

  

Finalmente presentamos o libro que imos ler no mes de febreiro:

A señorita Bubble

Autor: Ledicia Costas

Ilustracións: Andrés Meixide

Editorial: Xerais

Ano de publicación: 2017

ISBN: 9788491217930 

Temas: empatia, tolerancia, xustiza, educación para a convivencia, respeto á diversidade.

ATA O MES QUE VÉN COMPAÑEIROS!

Olga y la extraña criatura sin nombre

Este mércores no club de lectura...

O libro que limos este mes, "Olga y la extraña criatura" de Elise Gravel, traballámolo a través de actividades interactivas na aplicación Wordwall: realizamos un cuestionario, unha actividade de relacionar e conseguimos ganar os retos propostos nunha ruleta!

Despois, e xa que a Olga lle encantan tanto os animais, coloreamos algúns deles para poder despois velos en 3D nas tablets coa aplicación Quiver e alucinamos co resultado!

Ademáis, esta semana tivemos unha visita moi especial, Andrea Maceiras, a autora do libro que limos no club "Alma de elefante" visitounos para falarnos sobre os seus libros e a sua experiencia como escritora. Pasamos unha mañá moi agradable charlando con ela e incluso se prestou a asinar os nosos exemplares! Moitas gracias Andrea!

    

Finalmente presentamos o libro que imos ler no mes de febreiro:

Max Burbuja: dejadme en paz

Autor: El Hematocrítico

Ilustracións: Santy Gutiérrez

Editorial: B de Block

Ano de publicación: 2021

ISBN: 9788417921873 

Temas: aventuras e humor.

ATA O MES QUE VÉN COMPAÑEIROS!

Lotta

Na última sesión do club previa ao Nadal, os nosos/as lectores/as divertíronse xogando a unha versión do Time's Up adaptada ao libro que limos este mes ("Lotta" de Astrid Lindgren). A actividade consistían nun xogo de cartas para adivinar personaxes e obxectos que aparecen no libro en 30 segundos describindo, facendo xestos ou cunha sola palabra!  

Ademáis fixeron unhas recensións e debuxos marabillosos!

    

Finalmente presentamos o libro que imos ler no mes de xaneiro:

Olga y la extraña criatura sin nombre

Autora e ilustradora: Elise Gravel

Editorial: Blackie Books

Ano de publicación: 2021

ISBN:9788418733116 

Temas: importancia da ciencia, amor polos animais, a curiosidade e a diversión que hai trala investigación e o coñecemento e a importancia da empatía e da amizade

ATA O MES QUE VÉN COMPAÑEIROS!

Unha veciña de película

    Onte tivemos a segunda sesión no club! Para entrar un pouco en materia e facer un repaso do libro que limos este mes ("Unha veciña de película" de Iria Misa) contestamos unhas preguntas a traves da aplicación Kahoot.

    Despois fixemos un recopilatorio de cada unha das películas clásicas que se mencionan no conto traballando por parellas de maneira que cada equipo puxese en común o que ocorría cos personaxes en cada unha das películas nas que eran inmersos.

    Finalmente presentamos o libro que imos ler no mes de decembro:

Lotta

Autor: Astrid Lindgren

Ilustradora: Beatrice Alemagna

Editorial: Kalandraka

Ano de publicación: 2023

ISBN: 9788413432151

Temas: liberdade da infancia, aventuras.

Recordade que o día 9 de decembro é o día para pasarlle o libro ao compañeiro correspondente para que o poidamos ler todos! 

ATA O MES QUE VÉN COMPAÑEIROS!

COMEZAMOS A TEMPADA 2024/2025 NO CLUB DE LECTURA "LE CON BIBLIORETA"! 

    Este ano temos vellos coñecidos e novas caras que decidiron embarcarse nesta aventura que continúa un ano máis no clube, polo que, para coñecernos un pouco máis, fixemos un xogo cun taboleiro no que tiñamos que presentarnos, falar sobre o nosos libro favorito e responder ás preguntas que nos indicara o tableiro segundo o que nos salira nos dados.

    Unha vez que nos coñecimos un pouquiño máis, recordamos e presentamos as normas do club de lectura e repartimos os carnets lectores deste ano, onde iremos poñendo pegatinas para cuantificar os libros que limos e os rexistros de lectura para facer un pequeño recordatorio e valoración do libro lido nese mes.

 

E finalmente presentamos o libro que imos ler:

Unha veciña de película

Autor: Iria Misa

Ilustradora: Laura Suárez

Editorial: Xerais.

Ano de publicación: 2023

ISBN: 9788411103299

Temas: películas clásicas, paixón polo cine, aventuras.

Recordade que o día 13 de novembro é o día para pasarlle o libro ao compañeiro correspondente para que o poidamos ler todos! 

ATA O MES QUE VÉN COMPAÑEIROS!