SEMANA DA CIENCIA 2022

Disfraces de Samaín en 2ºA

 En 2º A mostran os seus disfraces de Samaín. Ían de medo!

GANADOR DO CONCURSO DE MASCOTA PARA O PDI "AS PARA CREAR"

O debuxo selecionada polo alumnado de 5º e 6º de EP, para ser a mascota do Proxecto Documental Integrado deste curso "AS PARA CREAR", foi o seguinte: 

A autora do debuxo é:

AITANA LÓPEZ DÍAZ de 4ºA

Noraboa Aitana!!!

CONCURSO MASCOTA PROXECTO "ÁS PARA CREAR"

Elixe un debuxo da presentación para que sexa a mascota do noso proxecto deste curso:

"ÁS PARA CREAR"

ENQUISA VALORACIÓN DA BIBLIOTECA

 Boas chic@s!!!

Chega o final deste curso e dende a biblioteca queremos saber a vosa opinión sobre o seu funcionamento.

A continuación tedes unha breve enquisa:

ENQUISA VALORACIÓN DA BIBLIOTECA

Moitas grazas. 

As cámaras do alumnado no colexio

Deixamos aquí tamén a ligazón a web do centro onde colgamos un pequeno vídeo que mostra as cámaras que fixemos alumnado e familias para a Microrrede e para o propio centro co gallo das Letras Galegas.

Podedes velo premendo AQUÍ.

Os Maios

Mañá, o alumnado de 1º e 2º participará nos Maios que se propoñen dende o Concello e cantará coplas dos nosos maios coma estas...

EXPOSICIÓN MICRORREDE DA MARIÑA 2022: "As verbas traen lembranzas"

Un ano máis a nosa biblioteca participa na exposición anual da Microrrede da Mariña, que este ano leva por título: 

“A VOLTA COAS PALABRAS”

Pincha na imaxe para ver o programa

 O noso centro participa nesta exposición cun cadro titulado:

“AS VERBAS TRAEN LEMBRANZAS”

Este cadro é un resumo da exposición que fixemos no colexio, coas cámaras que decorastes, e que recollen os códigos QR cos vídeos que gravastes aos vosos maiores, onde nos contan que palabras lles traen recordos da súa nenez e porque.  

Con todos os códigos QR elaboramos os seguintes negativos: 

Que están colocados no cadro que temos exposto na exposición.

Xa podedes ir a velo, e atopar o voso código!!!

Toupiciencia

A pasada semana, o alumnado de segundo tivo a sorte de poder asistir no cole a "Toupiciencia", unha actividade na que unha pequena toupa e o seu axudante lle axudaba cos experimentos.

A actividade pretende promover a investigación e experimentación na infancia.

As plantas, por 3ºB

 O alumnado de 3ºB explicou aos cursos inferiores moitas das cousas que sabían sobre o reino das plantas. Velaquí o vídeo!

Os animais

Seguimos a traballar co profesorado e alumnado de diferentes niveis dende o noso apartado de Biblioteca Creativa. Desta volta tocoulle ao alumnado de 3ºB, que fixo unha fenomenal exposición do tema que están a estudar na materia de Ciencias Naturais: Os animais.

Día da Poesía II

Novo vídeo no Día da Poesía por parte do alumnado de 1ºA co poema: Implacable y sigilosa, que nos fala dos perigos do plástico no mar...

Día da Poesía

 O alumnado de primeiro A celebra o Día da Poesía (21 de marzo) recitando un poema do libro "Animalario": O camelo.

Na sección de Biblioteca Creativa usamos o fondo de pantalla Chroma para facer a montaxe. 

Parabéns ao alumnado!

Vídeo sobre a CDU en sexto. Pantalla Chroma.

O alumnado de sexto estivo a traballar esta semana co Chroma. As tres clases prepararon unha pequena explicación sobre os sistema internacional de catalogación de fondos CDU (Clasificación Decimal Universal) e puxeron de fondo oas cores e números correspondentes ao propio sistema de catalogación. Será o primeiro de varios proxectos que temos ideados con esta mesma técnica. Parabéns a todo o alumnado de sexto, excelente traballo!

CARTEL DE ROSALÍA

ROSALÍA DE CASTRO

 Este é o cartaz cunha pequena escolma de poemas da autora, que elaboramos dende o Equipo de Biblioteca e o Equipo de Dinamización da Lingua Galega do noso colexio, para conmemorar o DÍA DE ROSALÍA o próximo 23 de febreiro.

ROSALÍA DE CASTRO 23 FEBREIRO 

PARA NÓS, FEBREIRO SEMPRE SERÁ O MES DE ROSALÍA...

Padrón (A Coruña), 18 de xaneiro de 2022

• 
• 

• • Compartir

Escoitar

O secretario xeral de Política Lingüística, Valentín García, participou este mediodía na xuntanza que a Fundación Rosalía de Castro convocou para mudar a data de celebración do día da poetisa galega ao 23 de febreiro. Este cambio prodúcese despois de que a investigadora galega Sagrario Abelleira revelase o pasado ano nova documentación que acredita a data de nacemento real nese día, dando a coñecer ademais datos inéditos sobre a vida da nosa autora máis recoñecida e da do seu home, Manuel Murguía.

Toda esta información quedou recollida na publicación Rosalía e Murguía: datos, datas e documentos (1851-1858), publicado co apoio da Consellería de Cultura, Educación e Universidade.

Traslado de celebracións

Con motivo da proximidade do aniversario da poeta galega, o Goberno galego e as entidades culturais e educativas, acordaron adiantar a efeméride, que ata o de agora se celebraba o 24 de febreiro, data do bautismo da autora de Follas Novas.

O secretario xeral de Política Lingüística deu conta do acordo para “celebrar á nosa poeta máis universal o 23 de febreiro, pois unha vez coñecida que esta é a auténtica data do seu nacemento, é un día que os galegos non podemos pasar por alto”, derivado da xuntanza entre representantes de entidades culturais e de distintas administracións que tivo lugar na Casa da Matanza, en Padrón.

Na reunión convocada pola Fundación Rosalía de Castro, ademais de Valentín García en representación do Goberno galego, tamén participaron representantes da Asociación de Escritoras e Escritores en Lingua Galega (AELG), da Asociación Socio-Pedagóxica Galega (AS-PG), da Asociación de Gaiteiros, da Deputación da Coruña e dos concellos de Padrón e de Santiago de Compostela.

Así pois, xunto co secretario xeral de Política Lingüística estiveron o presidente da Fundación Rosalía de Castro, Anxo Angueira; o presidente da Asociación de Escritoras e Escritores en Lingua Galega, Cesáreo Sánchez; o presidente de Nova Escola Galega, Xosé Lastra; o representante da Asociación de Gaiteir@s Galeg@s, Olimpio Xiráldez; así como as responsables das áreas de Cultura e Acción Cultura dos Concellos de Padrón e Santiago de Compostela e Sagrario Abelleira, autora da investigación.

 

ENTROIDO 2022

 

Este ano seremos mascariñas.

Imos a disfrazarnos con cousas que xa temos ou que nos poidan deixar.

A idea é facer o noso disfraz como o facían antes, reutilizando cousas que atopaban pola casa e sen gastar.

Temos que cumprir os mandatos do noso Meco. 

No seguinte enlace os podedes atopar.

MANDATOS DO MECO

A PASALO BEN!!!

ENTREGA DE PREMIOS DO CERTAME DE POESÍA INFANTIL NADAL 2021

Algúns dos nos@s alumn@s participaron no Certame de Poesía Infantil Nadal 2021 organizado a nivel provincial pola Biblioteca Municipal de Lugo.

Nel resultaron premiados tres das nosas alumnas:

Blanca Loureiro

Nereida Pereira

Inés Mariño

A entrega de premios tivo lugar o 29 de xaneiro na Biblioteca Pública Municipal de Viveiro, facendo entrega deles a alcadesa e a concelleira de cultura do noso concello.

A continuación podedes ver a imaxes das nosas premiadas.

Noraboa chicas!!!